මූලාශ්‍ර ලේඛන
ව්‍යාපාර ගනුදෙනු සිදු වූ විට එම ගනුදෙනුවට මුල් වී ක්‍රියාකරන අංශය විසින් ගනුදෙනුව පිළිබඳ සියලු විස්තර අන්තර්ගත කොට වගකිවයුතු නිලධාරියකු විසින් අත්සන්කර පිළියෙල කරන ලියවිලි මූලාශ්‍ර ලේඛන වේ.
ව්‍යාපාර පිළියෙල කරන සෑම මූලාශ්‍ර ලේඛනයකට ම අනුක්‍රමික අංක යොදනු ලැබේ. මූලික සටහන් පොත්වල ගනුදෙනු වාර්තා කිරීමේදී පදනමක් ලෙස මූලාශ්‍ර ලේඛන යොදා ගැනේ.
මූලාශ්‍ර ලේඛනවල සාමාන්‍යයෙන් පහත සඳහන් කරුණු අන්තර්ගත වේ.
- ව්‍යාපාරයේ නම හා ලිපිනය
- අනුක්‍රමික අංකය
- ගනුදෙනුව සිදුවූ දිනය
- ගනුදෙනුවට සම්බන්ධ අනෙක් පාර්ශ්වය
- ගනුදෙනුවට සම්බන්ධ විස්තර
- ගනුදෙනුවේ මූල්‍යමය වටිනාකම
- ගනුදෙනුව පිළිබඳ වගකීම භාර ගන්නා නිලධාරියාගේ අත්සන
පහත සඳහන් වගුවේ එක් එක් මූලික සටහන් පොත්වල ගනුදෙනු සටහන් කිරීමේ දී යොදාගන්නා මූලාශ්‍ර ලේඛනවලට නිදසුන් දැක් වේ.
