සාමාන්ය ලුණු ද්රාවණය හා කොපර් සල්ෆේට් සහිත පරිපථයේ බල්බය දැල්වේ. සීනි ද්රාවණය හා ආසූත ජලය සහිත පරිපථයේ බල්බය නො දැල්වේ. සාමාන්ය ලුණු හා කොපර් සල්ෆේට් අයනික බන්ධන සහිත සංයෝග වේ. මේ අනුව අයනික බන්ධන සහිත සංයෝග ජලීය ද්රාවණ තුළින් විද්යුතය ගමන් කරයි. සීනි හා ජලය, සහසංයුජ සංයෝග වේ. ඒ තුළින් විදුලිය ගමන් නො කරයි. විලීන අවස්ථාවේ ඇති සාමාන්ය ලුණු තුළින් ද විද්යුතය ගමන් කරන බව පරීක්ෂණ මගින් සොයා ගෙන ඇත. අයනික සංයෝගවල ජලීය ද්රාවණ හා ඒවායේ විලීන ද්රවය විද්යුතය සන්නයනය වන බව මින් තහවුරු වේ. නමුත් අයනික සංයෝග ඝන අවස්ථාවේ පවතින විට එය තුළින් විදුලිය සන්නයනය නො වේ.
සංයෝග සමහරක ද්රවාංක සහ තාපාංක
අයනික සංයෝගවල ද්රවාංක සහ තාපාංක ඉහළ අගයක් ගන්නා බව 10.5 වගුව අනුව පැහැදිලි වේ. ඒවා බොහෝ විට කාමර උෂ්ණත්වයේදී පවතිනුයේ ඝන වශයෙනි. සහසංයුජ සංයෝගවල ද්රවාංක හා තාපාංක අඩු අගයක් ගන්නා බව ඉහත වගුව අනුව සනාථ වේ. ඒවා බොහෝ විට කාමර උෂ්ණත්වයේදී පවතින්නේ ද්රව හා වායු වශයෙනි.
අයනික සංයෝගවල ලක්ෂණ
0 ප්රතිවිරුද්ධ ආරෝපණ දරන අයනවලින් (+ හා – අයන) සමන්විත වේ.
0 කාමර උෂ්ණත්වයේදී බොහොමයක් සංයෝග ඝන ස්ඵටිකරූපී දැලිය ආකාරයට පවති.
0 ඉහළ ද්රවාංක හා තාපාංක ඇත.
0 ඝන අවස්ථාවේ දී විද්යුතය සන්නයනය නොවේ.
0 ජලීය ද්රාවණ හා විලීන ද්රව (රත්කර ද්රව කරනු ලැබූ) තුළින් විද්යුතය සන්නයනය වේ.
0 බොහෝ අයනික සංයෝග ජලයේ දිය වේ.
සහසංයුජ සංයෝගවල ලක්ෂණ
0 බොහෝ විට පරමාණු කිහිපයකින් සමන්විත අණු ලෙස පවතී.
0 කාමර උෂ්ණත්වයේදී බොහෝ සහසංයුජ සංයෝග වායු හෝ ද්රව අවස්ථාවේ ඇත.
0 සාමාන්යයෙන් සහසංයුජ සංයෝගවල තාපාංක හා ද්රවාංක පහළ අගයක් ගනී. (එහෙත් සහසංයුජ දැලිස ආකාරවල තාපාංක හා ද්රවාංක ඉහළ ය.)
0 සමහර සහසංයුජ සංයෝග ජලයේ දිය වේ.
0 ඇතැම් සහසංයුජ සංයෝගවල ජලීය ද්රාවණ විද්යුතය සන්නයනය නො කරයි.