අපට සාමාන්ය ජීවිතයේ දී බොහෝ විට දකින්නට ලැබෙන්නේ ඒකාකාර නොවන ප්රවේගවලින් ගමන් කරන වස්තූන් ය. මහ මග ගමන් කරන වාහනවලට නිතර ම වේගය අඩු වැඩි කිරීමට සිදුවෙයි. නැතහොත් ගමන් කරන දිශාව වෙනස් කිරීමට සිදුවෙයි. මේ සියල්ලෙහි ම ප්රතිඵලය වන්නේ ප්රවේගය වෙනස් වීම යි.
පහත වගුවේ දැක්වෙන්නේ සරල රේඛීය මාර්ගයක ගමන් කළ එක්තරා වස්තුවක ප්රවේගය කාලයත් සමග වෙනස් වූ ආකාරයයි.
එම ප්රවේග වෙනස (12 ms-1) ඒ සඳහා ගතවූ කාලයෙන් (6 s) බෙදූ විට ලැබෙන්නේ ප්රවේගය වෙනස් වීමේ ශීඝ්රතාව යි. ප්රවේගය වෙනස් වීමේ ශීඝ්රතාව ත්වරණය (acceleration) නමින් හැඳින්වේ. එනම්, ඒකක කාලයක් තුළ දී සිදු වන ප්රවේග වෙනස ත්වරණය යි. ප්රවේගයේ ඒකක වන්නේ ms-1බව අපි දැනටමත් දනිමු. ත්වරණය යනු තත්පරයකට සිදු වන ප්රවේග වෙනස නිසා එහි ඒකක වන්නේ ms-2 ය.
මේ අනුව ඉහත සඳහන් වස්තුවෙහි ත්වරණය අපට පහත පෙන්වා ඇති ආකාරයට ගණනය කළ හැකිවේ.
වස්තුවක ත්වරණය 2 ms-2 යන්නෙන් අදහස් වන්නේ සෑම තත්පරයක් පාසා ම එම වස්තුවේ ප්රවේගය 2 ms-1 බැගින් වැඩි වන බව යි. ත්වරණය සඳහා ලැබෙන අගය ධන අගයක් නම්, එයින් හැඟෙන්නේ ප්රවේගයේ වැඩි වීමකි. එය ඍණ අගයක් නම් ප්රවේගය අඩු වන බව එයින් කියැවේ. සරල රේඛීය මාර්ගයක් දිගේ ගමන් කරන වස්තුවක ප්රවේගය ආරම්භයේ දී 12 ms-1 ක් ව තිබී, ඉන් පසු, පහත දැක්වෙන වගුවේ පරිදි වෙනස් වූයේ යැයි සලකන්න.
මෙහි දී ත්වරණය ලෙස අපට ලැබෙන්නේ ඍණ අගයකි. සෑම තත්පරයක් පාසා ම ප්රවේගය 3 ms-1 බැගින් අඩු වන බව එයින් කියැවේ. යම් වස්තුවක ප්රවේගයේ අඩු වීමක් ඇත්නම් එහි ත්වරණය ඍණ අගයක් ගනියි, ඍණ ත්වරණයක් මන්දනයක් (deceleration) ලෙස හැඳින්වේ.
යම් වස්තුවක ත්වරණය – 3 ms-2 නම්, එහි මන්දනය 3 ms-2 වේ.
වස්තුවක ප්රවේගය සෑම තත්පරයකදී ම එක ම ප්රමාණයකින් වැඩි හෝ අඩු වන්නේ නම් එයට ඒකාකාර ත්වරණයක් හෝ මන්දනයක් ඇතැ යි කියනු ලැබේ. එසේ ඒකාකාර ත්වරණයෙන් චලනය වන වස්තූන්ගේ විස්ථාපනය සෙවීමට මධ්යක ප්රවේගය සොයා එය කාලයෙන් ගුණ කළ යුතු ය.